فزروة مين ده ؟

مش من طين ولا كتان ولا من الهند ولا باكستان انا شايف ناسي بيموتوا في كل مكان وبقولكوا انا مش جبان بس افهموني ازاي ادخل حرب وانا عارف اني خسران

*******

انا هاعمل وهاسوي وهاقطع واخلص بس انتوا اسبقوني وانا 
 وجي وراكوا
ولو مجتش اكيد في حاجة حصلت اصل انا عنكم متاخرش 
بس ايه رايكوا مش كلام برده اثر فيكوا .
*****************
الحرب خدودعة وانا عملت ده تمويه عشان ناس تقلق لما تعرف ان انا جي اصلي انا مرعب الاجيال ناصر المستضعفين 
امين علي وطن ضيعته وباعوه خلفائي علي طول سنين 
*******************

انا الرئيس

الواد بيقول انا عاوز اكون ريس

وانا والله هابقا كويس

مش هاتكلم في حرام وحلال

هاقول مين فيكم جعان

وهاكله بايدي من غير مقوله هاتدفع كام

ومحدش هينام عريان هدفيكوا في حضني ومفيش منكم حد بردان

مش انا كده ريس كويس يا جدعان

وطبعا طبعا حرية لكل الاديان

والكافر هاديله نيشان ودين ام الدولة ملهاش في الاديان مش دي بقا حرية الانسان

والي عاوز يبوذ يبوذ مهو احنا مش اد ضربة بوذوه

يغضب علينا ويحرم علينا الي نعوزوه

متهئلي انا كده زي الفل كمان

ومراتي هاقلعها الحجاب واعري فيها كمان ياراجل خليها تليق بالمنصب زي ماما سوزان

وان كان علي الضربة الجوية فانا ياما ضربت زمان

واسالوا عني انا واد ضريب تمام .

مش انا كده رئيس حلو وممكن تسبوني 30 سنة كمان .

الربيع الاهطل

لا يستطيع الانسان التوقف عن التفكير في الاحداث الموجودة في المنطقة من حولنا ومدي تأثر المجتمعات لهذا المد الديموقراطي الذي ابهر واذهل الكثير من الامم حولنا ولكن الرهان السائد الان هل فعلا يستحق العرب الديموقراطية ام لا كما كان بري من يحكومونا في الماضي .
ان الخوف من التيارات الاسلامية ووصوله للحكم عن طريق الديموقراطية لدي غالبيه الناس يدل علي مدي جهل هؤلاء بالدميوقراطية وجهلهم ايضا بتركيبة المستهلك لها فهم تخيلوا انهم يستيطيعوا ان يصلوا الي قلوب الناس عن طريق قنوات الاتصال القديمة وبنفس اسلوب النطم القديمة شنوا حملات لتشويه صورة الاسلاميين دون ان بحالوا ان يجملوا نفسهم وان يتحدثوا بطريقة يفهما المستهلك .
اما هو غباء او استغباء او طريقة جديدة للتحقيق اهداف او ان يكون مسلم ويساعد الاسلاميين الاخ نجيب ساويرس لازال يواصل حرق الكلته المصرية وتقديم دعاية مجانية للاسلاميين وللاسف اتبعه الكثيرون فهم اختذلوا كل برامج الاقتصادية والسياسية في الحجاب الخمور وكان المسحيحة مباح فيها هذا علما بان هذا محرم ايضا وان الشعب المصري لايزال يمتلك من العادات والتقاليد التي تدعوا الي الحشمة والاحترام ولا تحتاج الي نص قانوني او ديني .
نحن نعيش لحظة فارقة بين حب الدنيا وحب الاخرة وارضاء الله وبدون اي فلسفة شيطانية واي تخوين لمن يدعي عليهم بأنهم استغلوا الدين للوصول الي الحكم فمن يختار الله يقينا ان يعلم ان الله لن يتخلي عنه فهما كانت النتائج والعواقب فانا مع الله ومع شرعه ومع كتابه ولا يعنيني اي احد علما بأنني اشعر اني اكثر اهل الارض ذنوب ولكني هامشي بالمثل المصري وهي يا بخت من بكاني .
لمن سيخسر هذه الجولة من الديموقراطية عليه ان يعلم ان الجولات القادمة كثيرا وعليه ان يعد لها من الان وان يعلم ان الزبون هو المواطن المصري وليس الحكومات الغربية و الامريكية وان الرضا يجب ان يكون من الشعب وليس من الغرب .

النهاية يا بشار

النهاية يا بشار

اكتب سطور النهاية وريح بالك وضميرك مهو الموت اكيد مصيري ومصيرك

وابكي علي بلد منها الاخلاق ضاعت والي بيتكلم فيها سفيه عملينه بطل وارضه ضاعت

قتل جوانا الخوف وبقينا جثث علي الرفوف وكل جته بتقرب نهايته حته حته

وحياة ضميرك الي مات وحياة بكاء الامهات لتبكي بدموع الندم وتتمنا يخلص الالم

العقل والروح والجسد 8

ألامل هناك دائما وعد وشيء يجعلك في انتظاره تصلي من أجل الامل في المغفرة وألامل في دخول الجنة تفتعل الذنوب وانت علي أمل ان يغفر الله لك ذنبك دائما مايكون ألامل اطول من عمر الانسان (قال الرسول الكريم ....(ص)

أخوف ما أخاف عاى أمتى الهوى ومن بعد الامل .. فأما الهوى فيعدل عن الحق ... وطول الامل ينسى الاخره.

صدق رسول الله صلى الله عليه وسلم)
سأتي يوم نفقد ألامل هذا شيء صعب لا اعتقد وقد اشار الحبيب صلي الله عليه وسلم الي الامل
الرسول صلى الله عليه وسلم يقول "لا يزال قلب الكبير شابا في اثنتين في حب الدنيا وطول الأمل"
أذن ألامل سلاح خطير في استخدامه فتسخدمه الروح والجسد والعقل يتمناه معهم أذن لاعلينا سوي ان نذكر نفسنا بواقعنا وان نتذكر دوما انها مهما طال الامل سيأتي يوم وتقف فيه دقات القلب وتعود روحنا الي السماء
بكل وضوح وصراحة اكتب هذه الكلمات وان كلي امل في الدنيا والاخرة هذا الداء الصعب العلاج منها الا ان تجعل املك دائما مرتبط بالله
للحديث بقية عن اليأس وتأثيرة ومرحلة كابعد اليأس

انت مين ؟ حديث الي الذات

ساعات الواحد بياخده خياله لبعيد اوي ويفتكر انه ممكن ده يتحقق ويعيش علي امل وهو في الحقيقية وهم بس ده من اهم اسباب الحياة وألاستمرار فيها بس يا تري ايه امل كل واحد فينا ؟
ده سؤال صعب الاجابة عليه لانه بعتمد في المقام الاول علي الحالة المزاجية للانسان بس بجد حتي لو الانسان في قمة يأسه لازم يلاقي صوت من جواه بيديله الامل حد فينا سأل نفسه مين ده
مين ده ؟ مين الي عايش جوانا وعمال يكلمنا ويتناقش معانا وبيفكر في كل حاجة بنعملها حتي واحنا نايمين معانا ............... ده تقريبا اول حد بنكلمه اول ما نصحا من نومنا .
ضمير ... النفس ....... القرين ....... الله واعلم ؟ بس بجد هو ليه راي ورايه كتي بيبقا عكس ما احنا عاوزين وساعات رايه هو الي بيمشي بس عارفين ان احنا لما بمنشي كلامه حتي لو كان غلط بنبقي مستريحين.
مش ساعات تلاقي نفسك رايح تعمل حاجة وانت مش عارف ليه اساسا بتعمله ........
طب لما بتنوي تعمل حاجة غلط ومبتحصلش مش بتلاقي نفسك بتكلمه وتقوله الحمد لله محصلش... ممكن يقعد يندمك اساسا علي انك كنت ناوي تعمل كده او حتي يفكرك بالي كان هايحصل فتندم انه محصلش .
طب اقولكم مش ساعات بنبقي قاعدين قصاد التلفزيون بنتفرج علي فيلم او برنامج ونسرح بس بنلاقي نفسنا متابعين برده الكلام الي اتقال .. مش يمكن هو الي كان بيتفرج يمكن ؟
للحوار بقية ,,,,,,,,,,

الروح والعقل و الجسد 7

الندم

الموضوع ده شغلني كتير وليه دايما الانسان بيندم وخصوصا بعد ميفوته شيء لكن تعريفي لندم انه حالة دايما تأتي بعد اتخاذ القرار وانتظار النتجية ومهما كانت عواقب القرار الندم موجود في حالة النجاح دايما الانسان بيبقي شايف ان لو اخد خطوة معينة كان هيبقا افضل ولو كان ركز شوية كانت النتائج هاتبقي اقوي وللعلم دايما الانسان جواه شيء يحسه علي الندم في كافة الاشياء مهما حصل وده نوع من انواع الوسواس .
انا قسمت حالة الندم لعدة مواقف
مثلا" في حالة الفشل وهي ديه حالات الندم الحقيقة عند الانسان بمعني الشعور بالذنب والاحساس بالتسرع او الغباء او السذاجة اما طريقة الهروب من هذه الحالة بترجع لفرص المتاحة لاصلاح مافات وان لم يوجد فالبعض يتخذ الاخرين ملاذ للفرار من الندم مثل تعليق فشله واخطائنا علي الاخرين وهذه طريقة العقل وهو الجزء الذي لايقبل اي نوع من انواع التقيليل من قدراته او الهروب عن طريق الروح وهو تعليق الامر بالغيب والدبن واستخدام قاعدة القدر والنصيب اما الهروب البدني فياتي باثار سلبيه ومنها القاب الجسدي او تغييب الجسد من حالة مثل ادمان المخدرات او حرمان الجسد من متطلباته الدنيوية بل ومن الممكن ان يصل الامر للانتحار .

ولاد الايه

فيه بلاد بعيدة عننا ناسها مرتاحين مش زينا قادرين يقولوا لا والف لا في وشنا واحنا ولاهممنا وبنقول مفيش زينا
طول ما الهم عارف طريقنا وكابس علي قلبنا هانفضل نغني ونقول عليه ابونا وهي امنا
اصلنا ملناش اصل ولاد شوارع واهلينا اتبروا مننا
لاقونا ادام جامع وربونا واستغنوا عننا
معلش بقا كلها كام يوم ونموت كلنا وادام الخالق هاتعرفوا مقامكم واد ايه استفادنا من ذلنا
شكرا ياولاد الايه

مفيش مكان

مفيش مكان
كنت ماشي وسط الناس بدور علي حد تاه مني
لاقيت وجوه بتهرب من الزحمة وناس شابت وهي في سني
فضلت انده بصوت عالي ياناس مشوفتش حاجة وقعت مني
محدش بيرد ولا حد عاوز يجاوبني احترت وبداء الياس يهرب مني
ولاقيت ايدين علي اكتافي بتهدهدني وتقولي مالك يابني
بدمعة حنان فرت من عنيه غصب عني قولتها لاقيتي الي ضاع يا امي
بلهجة اصيلة قالت ومن فين بيرجع الي فات ياولدي
ده انا بقالي سنين بدور علي شيء كان في يدي
والتقيته لما شوفتك دلوقتي
وسبتني ومشيت وراحت بعيد وكأنها نسمة هوا وبتعدي
ولاقيت علي الحيطان مكتوب طريقك من هنا عدي يلا واوعي تهدي
هنا مشيوا كتير قبليك ناس تانين ولسة مرجعوش لحد دلوقتي
ده طريق الصبر طريق مكتوب عليك ومش بايدك تختار خلاص فات الاوان وابداء طريقك وسمي
مفيش مكان لينا وسطيهم ولا في الامكان نموت في اراضيهم
هما مش من هنا واحنا مجبورين عليهم
طردونا من نعمتهم ومشونا في طريق قالوا عليه ده كان فيه بيتهم
وايه يفيد الجواب من ناس تاهوا في سكتهم

الروح والعقل والجسد 6

الحيرة بين الامور امر غريب التردد في اتخاذ القرار هذا يفسره البعض بأشياء مادية الا انني اراها ناتجة عن صراع بين الاجزاء الثلاة فكل منهم يطلب الشي المريح له او مايشبع رغبته.
ونجد دائما بعد اتخاذ القرار حالة من الوم الداخلي فتجد دائما مايشكك في قرارك ومدي صحته وحتي في قدرة نجاحه وان نجح يقلل منه.
الخطايا سبحان الله ان الانسان لايستوي في دنيا ولايتشكل للانسان عقيدته الخاصة به من مسموحات وحظورات الا من خلال الخطايا وقبول النفس لذلك او لا اتحدي ان تجد انسان يرفض القيام بخطيئة نظرا لايمانه الشديد الا وكان قد اقبل عليه قبل ذلك او نفسه تعافه من المستحيل ان يرفض الانسان شيء يقبله فكريا وجسديا ولا يهم عقلايا
بعد ذلك تجد الانسان يرفض الخطايا رفضا تام وذلك لعدم رغبته في تكرارا التجربة او رفضه التام النهائي للشعور بالذنب الذي ينتابه بعد هذه الخطيئة .
القدرة ....... احببت ان اصحح بعض الاخطاء الفكرية في اعتقاد ان قدرة الرجل اقوي من المراءة فهذا خطئا كبير المراءة اقوي من الرجل ولديه قوة تحمل بل هي اعدت من الله لذلك فاتحدي اي رجل ان يتحمل ان ينمو بين احشائه انسان اخر او يتحمل الم الولادة عند المراة لكن هنا نجد الروح في الروح تعطي لجسد المراءة امر بالاسترخاء لتبداء التصرفات الانثوية في الظهور اما الرجل فهو كأن ضعيف جدا انما ذكوريته هي مايجعل القوي من اولوياته وتتفاوت الحالات من انسان الي اخر .
من يقول ان المراءة تمتلك مشاعر واحاسيس اقوي من الرجل ............ هذا خطاء كبير فالرجل مشاعره مرهفة حساسة يحب بل بنكب علي وجه نحو الحب سريعا ان كانت المراءة تري انها اقوي من الرجل فهي تحبه وتقبل بالحياه معه مدي الحياه الا ان الرجل مشاعره اقوي وحبه واحساسه اقوي من كل ذلك فهو من اجل الحب يتنازل عن كل شيء ويغير بل ويضحي بحياته فليس من السهل علي الرجل ان يطرق زوجته واولاده من اجل امرءاة اخري لكنه الاحسايس والمشاعر التي لا تقدره المراءه فمشاعر الرجل المرهفة تجعله لا يقبل اطلاقا ان تحب طليقته رجل اخر دائما نري الرجل انسان اهوج يبحث عن الجسد والشهوة لكنه انسان حساس باحث عن الحب ولا يتوقف عن البحث عنه حتي اخر لحظات حياته ومتي تتوقف المراءة عن اظهار حبه له يبدا الرجل في البحث مرة اخري

الروح والعقل والجسد 5

فكرت في ماهي الاشياء التي تؤثر في الروح ووجدت ان العقل هو السبب الرئيس بل والمصدر الاساسي لاشباغ رغبات الروح فيجب علي العقل ان يطيع الروح كي تستطيع ان توصل لما تريده ولكن ... الجسد هو اساس المصائب فهو الطريق الوحيد والباب الاوحد لوصول العقل والروح للحالة المثلي من التشبع الغريزي لكن الجسد يجب ان يروض من قبل الروح والعقل كي يكون في طاعة كاملة وهذه امور متفاوتة من طبيعة وثقافة وحضارة ونشأءة الانسان فهي متطلبات الجسد فبدون الطعام لا يستطيع الانسان الحياة لكن لذة الطعام هي غريزة روحية وهي الاحساس فمن المكن ان لايحتاج الانسان الي كل هذه الاصناف والانواع من الطعام بل من الممكن ان يحيا حياه صحية وطويلة اذا تناول اقراص تعادل قيمتها الغذائية نفس القيمة الموجودة في الطعام لكن هل يشعر الانسان بالشبع فالبرغم من ان الماء ليس له طعم ولا رائحة ولا لون لكن لا يستطيع الانسان الحياه بدونه ومن اجل ارضاء لذة الروح قام العقل بتطوير ليظهر منه مانراه اليوم من مياه غازية ومياه عادية اضيفت لها بعض النكهات اذن في الروح تطوع العقل وتستخدم الجسد لذلك ........... للحديث بقية

on face book خواطر حول الحياه

انا نقلت البلوج علي جروب في الفيس بوك ودي اسم الجروب

خواطر حول الحياه

حكاية سامية الجزء السادس

رامي : يانهال تعالي عاوزك

نهال : حاضر... جيه خلاص بقا يا سامية شوية وجيالك

رامي اخد نهال بين ايديه والشيطان عمال يلعب في دماغه

رامي : بقولك ايه يا نونو مش هاتنزلي تجبي فطار ( عاوز ينفرد بسامية )

نهال : ياعيني علي الجالة عاوز تنزليني

رامي : انا قالها علي ما اخد حمام بعدين مش عاوز اقابل حد اعرفه يشبط فيه ( ايه الدماغ ديه )

نهال لبست وراحت لسامية وقالتلها انا هاجيب فطار

سامية : وانا هاخد حمام

نزلت نهال ومتعرفش دماغ وايه الي هايحصل

قامت سامية ولبست التي شيرت فقط بمعني كلمة فقط وراحت علي الحمام قابلت خالد في طريقها

رامي : الجميل رايح فين

سامية : علي الحمام ياعم هو تامر راح فين

رامي : تامر ده عيل ندل تلاقيه نزل لبابا ولا راح يقابل صاحبته ( اظبط ياعم الامور )

سامية : ( بحيرة وكأنه حاست او اتأكدن انه مش اكتر عاهرة لمدة ليلية )

رامي : ولا يهمك يا سمسمة متشليش هام هاجيبلك الي خلفوه ( وحط ايده علي كتفها )

سامية : طب انا هادخل الحمام بقا

رامي واقف مستني سامية تدخل وتاخد وقتها علي ميخش وراها ........ فعلا دخل وراها وحاول معاها وهي قاومت ( بت محترمة فعلا ) ومشلهاش من ايده غير نهال لما جت ورنت الجرس

رامي : جبتي ايه ( مبلول اساسا وبيولع سيجارة وهو بيترعش )

سامية: نهال لازم ننزل دلوقتي ( قال يعني بتكلم اليدي نهال )

نهال : ( بتبص لرامي ) اصلك طول عمرك تفص مكنت قولتلي كنت ظبطلك الكلام ديه لسة نونا

سامية نزلت هي ونهال والاتنين مش طايقين بعض سامية مش عاوزة بص في وش نهال

سامية : اتفضلي اطلعي معايا البيت عشان يصدقوا انا احنا كنا مع بعض

نهال : طيب بس افردي وشك

دخلت سامية البيت ونهال نزلت ونامت نوم عميق بتهرب من التفكير في الي حصل المهم هيا مش عارفة ايه الي حصل

تليفون سامية بيرن وكان خالد الي علي التليفون

خالد : مش عارف اقولك ايه عموما ازيك الاول

سامية : الله يسلمك ( مش عارفة تقوله ايه )

خالد : وحشتيني ( بجد وحشته )

سامية : وانت كمان ( وصورة الي حصل امبارح قصاده والدمعة عاتفر من عينها )

خالد : انا الزم اشوفك النهاردة

سامية : ليه ؟

خالد : وحشتنيني وكمان عاوز اعزمك علي فرح اخويا

سامية : مبروك ( وهي بتفكر انها هاتقابل اهله وامه وابوه وتبقي من العيلة )

خالد : ها هاتيجي ده يوم الخميس الي جي

سامية : هاتقول لاهلك ايه عني ( عاوزة اي زبون يشيل اليلة بقا )

خالد : مانا كنت بكلمك امبارح عشان كده انا قولتلهم وهما مرحبين حتي ماما كانت عاوزة تكلك ولما انتي مردتيش عليا احترمتك جدا وقالت عليكي بنت من عيلة محترمة عشان كنت بكلمك في وقت متأخر

سامية : ربنا يخليها ( محترمة كنتي تشوفيني وانا سكرانة )

خالد : ها ايه الدنيا

سامية : هاقوم بس اشوف الدنيا فيها ايه مع بابا وماما وكده بس قولي هي ماما قلتلك ايه تاني عليه ( خلاص بقا البت بقيت من العيلة )

خالد : ( قاعد متكيف قوي ومبسوط بقا عاش دور الزوج وماما وكده ) قالتلي بعد فرح اخويا كده نروح نخطبهالك

سامية : طب قابلني بعد ساعة في المكان بتعنا ( ولا كأن ليه اهل لسة كانت هتاخد رأيهم )

خالد : شغال

خالد ماسك ايد سامية وقاعدين بيتكلموا في العربية

خالد : بحبك

سامية : وانا كمان ( عاوزة تنسي وتعيش بقا )

خالد قرب من سامية وبداء يبوسها بس كان مستغرب اوي من نها بتعرف تبوس

خالد : هاتيجي الفرح ( بيقولها وو قلبه مقبوض وبيقول لنغسه عادي بقا انا مليش عندها غير من يوم معرفتها

سامية : اكيد بس هاجيب واحدة صاحبتي معايا

خالد قالها مفيش مشكله وروحوا الاتنين علي البيت

سامية بتكلم نهال

سامية : الو

نهال : ايوة يا ست الزعلانة

سامية : نهال بقولك ايه الي حصل امبارح وانا نسيته لو عاوزة نبقي صحاب ياريت متكلمنيش في الموضوع تاني

نهال : ماشي يا سمسمة ياجامدة

سامية : بقولك ايه بقا عاوزة الفستان الازرق بتاع فستان السهرة عشان رايحة فرح ( لولا الفستان مكنتش كلمتك )

نهال : والله ماينفع انا برده رايحه فرح

سامية : طب خلا ص سلام ( وراحت قافلة السكة كانها بتطلب بيتزا ديليفري )

يوم الفرح

القاعة ممتلئة بالناس العيلة وناس كلها بترقص وتبارك ودي جيه شغال ورقص من الاخر كل ده وخالد بيه بيجي سامية

خالد داخل القاعة ومعاه سامية في قمة الجمال والاناقة امه لما شافتها قلت الواد ابني عرف ينقي بجد وكل الناس الي شافو المنظر انبهروا من جمال سامية

خالد : ماما --- سامية الي كلمتك عنها

ام خالد : ايه العسل ده عقبالكوا

سامية : (في قمة الخجل ) ربنا بخليكي يا طمط

ام خالد : يلا بقا روح بارك لاخوك احسن عمال يسأل عليك من بدري يلا روحوا وارقصوا سوا

المشهد الصعب

خالد رايح علي اخوه ومعاه سامية امامها نهال ورامي بيرقصوا وسط الناس سلوا قلبها اتقبض وخافت .....خالد بيخبط علي كتف اخوه وخده بالحضن وبيقولها مبروك وبيلتف خالد لسامية فأجئه وشها جاب لون واحد وهو الاصفر لما خالد قا لاخوه سامية عروستي لكن محدش منهم اتكلم ولا فتح بقه لحظة ذهول لمده ثواني لكن علي سامية كانت عمر كامل عدي قصاده لما طلع العريس اخو خالد هو تامر ................................. اكيد في جزء سابع .... احتمال

الروح والعقل والجسد ( الحب شهوة الروح ودرجته العشق )

عندما لاتستطيع تفقد الامل الروح والامل والحب شهوة الروح لقد قكرت كثيرا في الرغبة والشهوة فوجدت ان جميع رغبات وشهوات الجسد يصل الانسان الي درجة الاشباع منها سريعا ولا يطلبها الا اذا اجتاجها او نقصت من عنده لكن وجدت ان شهوة الروح هي كارئة حقيقة علي الانسان وعلي الجسد وعلي العقل فلا يقبل الجسد اي بديل لما تشتهيه الروح ولا يفكر العقل الا لمتطلبات الروح بل ان رغبات الجسد تتوقف نهائيا ولا تقبل سوي بما تريده الروح وساعطيكم مثلا عن حب الرجل للمراءة او العكس .
كثيرا نسال انفسنا كيف تتزوح هذه المراءة الجميلة بهذا الرجل الديمم في تستحق ماهو افضل واالعكس يحدث ايضا لماذا ؟
بماذا تفسر رفض الرجل اقامة علاقات مع نساء اجمل وافضل بل يحبونه اكثر من حب زوجته اليه ؟
انه الروح عندما تحب الروح روح شخص اخر لاتري ولا تنظر للامور البشرية الجسدية الصغير من هيئة وجسم ولون انها تعشق نعم فالروح تحب بدرجة تعشق والجسد يحب ولا يعشق فاي بديل يرضيه بل انه دائما يبحث عن الجديد , لا اتخيل اطلاقا ان انسان من الممكن ان يقتل نفسه من اجل فشل حبه مع اماراة يعشقه الا واذا كانت الروح هي المحرك الرئيس لهذه المشاعر فرغبة الجسد يستطيع الانسان منا ان يجده مع الكثير وبطرق عديدة لكن رغبة الروح لايوجد بديل لها الا وهو الشخص المرعوب فيه فقط .
ولهذا علي كل منا وضع مبادء امام عقله بصفة مستمرة تمنع وصول الروح لمرحلة العشق
للحديث بقية ....

الروح والعقل والجسد 3

الجسد هذا الجزء الاصم الغير قادر علي الاحساس او الحركة او تخاذ القرار بدون اشارات العقل وقوة الروح هذا الجزء الذي يعتمد في قدرته علي الحياة من الوقود الدنيوي من الغرائز والطعام والرغبات الا انه لايستطيع حتي وان تمتع بكامل العافية والصحة ان يعيش دون االروح ولا يتطيع ان يحدد مايريد دون اشارات النفس اي العقل .

الا ان في كثيرا من الحالات تعمل الروح والعقل من اجل اشبع متطلباته ولا سبيل لاشباع متطلبات الروح والنفس الا عن طريق الجسد فهو الاداه الوحيده للوصل الي تلك الغبات الروحية والنفسية .

الابدية هي ماترغب فيه كافة الاطراف ومن الطريف في ذلك الامر ان الطريق الوحيد للابدية هو الموت اولا" هذا ماعرفناه وهذا مايعيدنا لنقطة الغيب التي تحدثنا عنها سابقا" لكن من هذا المنظور نجد باب اخر من خلاله سبيل جديد للسيطرة علي الجسد والنفس من خلال الروح عن طريق الخوف نعم الخوف تلك الغريزة الروحية التي تستخدمها الروح للسيطرة علي العقل والجسد من المنطقي اذا اتفق اي اثنين من الثلاثة علينا نعلم ان الطرف الثالث ليس له الا الطاعة مع محاولات لاستمالة احداهم لمطتلباته .

بعد الايمان بالغيب والاقتناع الكل به يجب علي الروح ان تستخدم وسيلة جديدة تستطيع من خلالها ان تسيطر بها وهي الخوف وهي اسلوب اساسي يستخدمه علماء الدين وهو الترغيب والترهيب وهي الترغيب في الجنة والابدية وترهيب من عذاب النار وبذلك يجب علي الجسد ان يخاف من العذاب في النار ويرغب في ملذات ومتع الجنة والنفس ايضا يجب ان تشتهي كل متع الجنة ورغبات النفس كافة والروح الطامعة في العلو والسمو تؤكد هذا ..... للحديث بقية

ثلاثية الروح والعقل والجسد 2 ( الغيب )

بعد الانتهاء من كتاباتي الاولي عن العقل والروح والجسد لم اتوقف عن التفكير وبدات في التفكير في ان العقل هو الذي لايرضي بالروح والجسد ووجدت انه الطريق الوحيد للسيطرة علي الجسد والروح هو ان يتحدا معا علي العقل لكن ماهو الشيء الوحيد الذي يرضي الائنين فوجدته الا وهو الغيب نعم الغيب فوعد الورح بالسمو والعلو في الجنة هو مايجعلها مطيعا وصابرة ووعد الجسد بالنعيم في الجنة يجعل منه امر سهلا الانه من الصعب قليلا ان تسطير علي الجسد فأصل العذاب في الاخرة يكون للروح فالمنطقي ان الجسد من غير روح لا يشعر بألام نهائيا من غير روح مثلا لو طعنا رجل ميتا لن يصرخ او يتألم ولن يشعر بشيء اما لو عادت له الروح فسنجد العكس حتي في الاخرة في الجحيم يدلنا الله علي ان الجسد يتأكل من العذاب لكن الله يبدله او يجدده ليستمر العذاب لذلك فالجزء الاكبر من العذاب هو للروح لكن كبشر لا نستطيع تهذيب الروح من غير السطيرة علي الجسد الا بالغيب اي الوعد بالنهاية والحياة الابدية الرغدة .

الروح ذلك الجزء من الانسان فهو من امر الله حقا لكن هذا الجزء الغيبي في جسد البشر ماهو الاجزء متعالي متكبر علي الجسد المخلوق من الطين هذا الجزء السامي من البشر فله ايضا متطلبات دنيويه من العلو في الشأن او السمو او ان تصبح من اصحاب الفضل لكن ارضاء الروح بالطريقة السليمة المرضية للروح تنجوا بصاحبه من عذاب الاخرة لكن مع طريقة العقل في التفكير فالعقل لايفكر في مايرضي الروح بالطريقة التي ترضيها العقل البشري فلو نظرنا للتطور والتقدم البشري لوجدنا ان هذذا التطور البشري ليس الا محاولات من العقل البشري لتسهيل الحياة وليس حبا في التقدم او المعرفة العلمية فأساس المعرفة كان من اجل الوصول الي الاهداف بأسهل الطرق فعلينا ان نعترف بأن التفكير العلمي يرضي العقل والجسد اما التفكير في الكون الغيب يرضي الروح مما يمده بقوة واذا اتفقت مع العقل فمن الممكن ان تسيطر علي الجسد لكن هذه السيطرة تحتاج ان تتجد يوميا فالجسد يبداء بأستغلال مؤثراته علي العقل والروح لذلك يجب ان يتجدد الوعد بالغيب او التذكير به يوميا مما يعطي الروح والعقل القوة للسيطرة علي الجسد .

اكتفي الان لكن افكر في الحوار الداخلي الذي يدور بين الانسان ونفسه اي بين الثلاثة العقل والروح والجسد قبل ان يتخد الانسان قراره في شيء ولهذا للحديث بقية ......

ثلاثية الروح والعقل والجسد

هذه حقيقة ما توصل اليه عقلي فأنا روح تسكن جسد فلهذا الجسد متطلبات وواجبات منها ماترضي عنه الروح ومنها ماترفضه وماتفعله قهرا واما انا بين الاثنين ليس الا العقل او بمسمي اخر النفس فنفسي تهوي وجسدي يطلب او يرفض كذلك هذا الصراع لن ينتهي الا بنهايتي فالروح تتطلب الاخرة والجسد يطلب الدنيا والنفس تأمر بالسوء وبين كل هؤلاء القرار في يدي لكن وان كان من المستحيل ان يجد عقلي قرار يرض الطرفين فكرت في طرق كثيرة لايجاد هذا الوفاق كثيرا

بالتعبد قررت ان اسيطر علي الجسد علي اساس انه الشيء المحسوس المقدور عليه الشيء الدنيوي لكنني وجدته امرا صبعا بل وشاقا جدا علي العقل الايمان كان طريقا سهلا لكن الايمان امرا سهلا علي روحي وعقلي لكن يتنافي ان لم يكن كليا فأنه في الكثير يتنافر مع مطتلبات الجسد التي تحلوا لعقلي كثيرا من شهوات ورغبات كلها يحتاجه بألاضافة لتأثر عقلي بوسائله الحسية الموجودة داخل الجسد من عين وأذن وكل هذه الاشياء المرتبطة بالجسد ولانعرف ماذا تؤثر علي العقل لكن المشكلة الرئيسية ان الجسد لا يصل الي مرحلة الاشباع الكلي وهو ايضا لايرضي بعقلي وهذه حقيقة صعبا علي عقل اي منا ان يتقبله بسهولة ويسر لكن هيهات فتسخدم الروح ايضا وسائلها من الشعور والرغبة واللوم لكنها ايضا من الصعب ان تصل الي مرحلة الاكتفاء التام وهي ايضا لاترضي بالعقل بل تتكبر عليه وتتعالي وتاخذه الي مناطق يصعب عليه الوصول الي حقائق فيها ليعجز امامها وترهقه ليقف حائر بين الاثنين الروح والجسد اما الانسان في كل هؤلاء يعيش في حرب داخلية فهو هذه التركيبة الالهية التي تجبر كل من يقف امامها ويحاول التفكير مثلي لايستطيع سوي ان يتوقف فورا عن الكتابة ويقول سبحان الله الخالق سبحانه وبحمده سبحانه العلي العظيم

سيجارة وفنجان قهوة وتليفون

في المقهي علي الرصيف التاني قاعد لوحدي طلبت قهوة وولعت سيجارة ودورت علي الناس في التليفون

الو

ايوة مين

احمد ازيك انتي فين انا في الشغل ومش جي دلوقتي سلام

سلام

الو مين محمد انت فين

انا نايم

طب مش نازل

لا

طب يلا باي

سلام

الو

الو يجي عشرة اتناشر الو

فين الناس

كل مشغول يأما مش بيرد

فكرت ممكن يجي يوم وابقي علي طول فيه وحيد ممكن بجد

ملقيتش معايا غير السيجارة وفنجان القهوة ودورت علي حد يكسر وحدتي بالتليفون

حكاية 33 سنة من عمري

فاضل اد ايه مش عارف بس الي فاضل مش كتير المهم من العدي مش فاكر منه الي القليل

فجاءه ومن غير محس لاقيت نفسي فاضي ومحدش لاقيلي بديل

ده لو دوروا علي او حتي افتكروني مش هيلاقولي مثيل

اصل ده يبقا انا وانا مبقيتش زي منا مخلاص فات مني الكتير ومباقش غير القليل

مش عارف ليه احرم نفسي من الي نفسي فيه واستني بكرة ليه

من طول عمري مستني وهو يعني كان جالي ايه

مش عاوز وجع قلب ولا حتة منك حب اكيد الي انا عاوزه مع غيرك يوم هلاقيه

اصلك مش مقدرة الي فات ولاعارف كان شكلوه ايه

انا يالي بقيت زي مانا مكنتش كده ده انا غير الي تفتكريه

مش بهدد ولا بوعد بس انا لازم أأكد .. اني مش كشكول كتبيتي عليه اسمك هدوري عليه وهتلاقيه

انا صفحة فاضية مهما كتبوا عليها عمرك مهتلاقي اسم فيهم ندمت يوم عليه

النهاردة بقا 6 اسابيع وست ايام

النهاردة بس اول مرة محسش بندم علي الي فات من عمري لا كمان ده كان لازم يفوت وتفوت كمان ايام يجي 7 شهور تانين اصلي مستني اغلي الغاليين

حكاية سامية الجزء الخامس 5

سامية قامت مشغلة الكمبيوتر لكن لسوء حظ خالد النت وقع المهم خالد اتصل بيها علي التليفون وسالها قالتله النت فاصل طبعا زعل واتنكد واتفقزا بكرا الصبح يتقابلوا

ام سامية : ياسامية اصحي بقا الساعة داخلة علي 11 قومي يا بت
سامية : طيب طيب
غسلت سامية وشها ولبست ومن غير فطار راحت نازله عشان تلحق خالد والبيه واقف في نفس المكان بتاع كل مرة
سامية : خالد اعمل حسابك احنا مش هنتقابل تاني علي الاقل لفترة كده امي ابتدت تاخد بالها ( جر رجل )
خالد : وايه يعني متاخد بالها انا عندي استعداد اجي دلوقتي واخطبك منها ( ايه الهبل ده يابني )
سامية : وانا انشاء الله اقولها ايه واحد صحبي عرفته منين عموما ده مش موضوعنا انا كده كده مش مطولة معاك النهاردة عشان عندي واحدة صحبتي جيالي البيت ( نهال والحفلة وتامر ورامي وكده )
خالد : طيب ايه وجع القلب ده هو انا عملت حاجة تزعلك
سامية : لا بس انت فاهم ديه واحدة صحبتي رخمة ولازفة ولو قولتيلها انا مش هاكون في البيت هتقولي رايحة واجي معاكي
( فكك بقا )
خالد : وايه المشكلة انا ممكن اجيب واحد صحبي وصحبي ده واد ابن ناس اوي
سامية : خلاص بعدين بقا النهاردة كده وبعدين هو انا مش معاك اهو مش شايفين بعد
خالد : هو انا اشبع منك بردة ( ياجامد)
سامية : مش هاتعزمني علي حاجة ولا انت مفلس النهاردة
خالد : انت بس تأمر ياجميل
سامية بتشرب في العصير في الميرلاند وخالد عينه في عنيها ومركز اوي وبيسأل نفسه ( البت ديه زي القمر وانا شكلي هاحبها وماله )
خالد : سامية انا عاوز اقولك علي حاجة ( خالد قرر يعمل فيها روميو )
سامية : قول انا معاك
خالد : اوعديني متزعليش مني ( اقول ايه ؟ مش عارف )
سامية : مهما قولت انا عمري مازعل منك
خالد : في بداية معرفتي بيكي انا كنت ناوي اتسلي معاكي لكن دلوقتي انا مقدرش اعيش من غيرك انا بحبك ( ياتري الدنيا باظت ولا ايه )
سامية : تتسلي طب ومتسلتش ليه ؟ مانا شكلي من البنات اياهم ( لازم اقفش عليه واتقل شوية )
خالد : والله ماقصد انا بس كنت عاوز اعبرلك عن الي انا حاسه دلوقتي
سامية : طيب تسمح تروحني دلوقتي ( وراحت فردة ضهرها وبتشرب في العصبر وكأنها بتفولوا انا هابات عندك النهاردة )
خالد : ونبي ياسامية عشان خطري بلاش تزعلي مني
سامية : طيب مش زعلانة بس بجد عاوز اروح
روحت سامية وخالد كمان روح زعلان مش عارف يعمل ايه مشغول بالبت وهيمان كده اما صاحبتنا سامية وكانت قاعدة هي كمان بتفكر وبتكلم نفسها
اعمل ايه في خالد ده انا بحبه ايوة بحبه انا لازم اكون صادقة معاه انا ظلماه معايا كتير طب مشوار النهاردة الحفلة اعمل ايه انا عاوزة اروح واهو بردة لازم ادي لنفسي فرصة اختبر فيها حبي لخالد اهوه اشوف الواد التاني ده ايه ظروفه واعيش الحياه شوية وديه هتقبا اول واخر مرة
سامية : ينهار ابيض الساعة بقيت 7 انا لازم اقوم اكوي واجهز نفسي اه الكلم نهال الاول
سامية : نونو حبيبي ايه الاخبار
نهال : مفيش انا بلبس اه
سامية : وانا كمان
نهال : تمام نتقابل بعد نص ساعة عن ليلي الكوافيرة قشطة
سامية : قشطة
سامية ونهال علي باب الكوافير ورامي داخل بعربيته عليهم وركبوا الاتنين معاه وسامية مبهورة بالعربية
نهال : هاي رامي
سامية : هاي
رامي : هاي ياجماعة
نهال : رامي حبيبي يا سامية
رامي : ازيك عاملة ايه
سامية : امال فين تامر ( ايه العبط ده )
نهال : بتضحك متلقيقش اكيد جي
رامي : هو هايقابلنا هناك عند البوابة
نهال : شغال متجيب سيجارة بقا يارامي
رامي : شغال ياباشا
نهال : سومة تشربي سيجارة
سامية : ( محتارة ) لا لا مش عاوزة دلوقت ( يعني ممكن بعدين
سامية بتفكر ( يعني لما رامي موزة اوي كده ونهال بتقول علي تامر ان احمد منه كده يبقا عامل ازاي ولا عربيته تبقا شكلها ايه )
تليفون رامي بيرن
رامي : ايه ياعم انت فين مش جي بردة علي البوابة ايه بتقول ايه طب استني كده اشوف دنيا معايا فيها ايه اه نهال واصاحبتها معايا اقفل طيب واكلمك بعدين
رامي : ياشباب حد عاوز يضرب حاجة
نهال : نضرب ايه
سامية : مش فاهمة
نهال : بس انا هاشرب 2 مايستر ماكس تمانية في الميه 8%
سامية : ايه دي
نهال : بيرة
سامية : يانهار اسود
نهال : بقولك مش عاوزة عادي
رامي : انا هاكلم رامي يجهز الحاجة ويلفنا كام سيجارة نضربهم قبل منخش الحفلة عشان نهيبر هونعيش
نهال وسامية : ( بيضحكوا بصوت عالي ) هيبر براحتك يامان
رامي وقف علي كورنيش نيل مستني تامر
سامية : ينهار اسود ايه العربية الوهم دي هو ده تامر يا نهال
نهال : ايه رايك
سامية : ده ملوش حل ( في نفس الوقت خالد بيرن عليها وهي منفضة للدنيا كلها )
تامر : ازيك
سامية : الله يسلمك
رامي : انا هاركن عربيتي ونركب في عربيتك البضاعة معاك
وركبوا العربية وكل واحد شرب حتي سامية الموهومة بتامر الي مقدرتش تنزل عنيها من عليه وتامر كل شوية يبص عليها في المراية
المكان : مدخل الاوبرا لحضور الحفل سامية ماشية جنب تامر ونهال جنب رامي
تامر : ( مسك ايد سامية ) ايه الاخبار دلوقتي
سامية : ( فرحانة ) تقصد دماغي لا انا عادي مفيش حاجة ( واديه التانية علي ايده)
رامي : تاممممممور ايه الدنيا ( وهو ايده طبعا علي كتف نهال )
سامية : تامر انت بتحب منير
تامر : بصراحة جو الحفلات دي مش بتاعي انا بس وافقت عشان هاجي واقابلك
سامية : انا بقا بموت في محمد منير
تامر : ومين مابيحبش منير ( وحط ايده علي كتفها )
بعد ساعة !!!!!!!!
رامي : ( بصوت عالي ) ياشباب انا اتفقت انا ونهال نكمل عندي في البيت
سامية : لا هاقولهم ايه في البيت
نهال : عادي كلميهم وقوليلهم انك هتباتي معايا عند خالتي انا اساسا كده كده مفهما كنت هبات عند خالتي
ساميه : لا مينفعش
تامر : وافقي بقا عشان خاطري
سامية : طيب ( مش قادرة )
نهال : يلا نلكمهم ولو كده نمشي بدري بقا الزحمة هنا تخنق
طبعا الكلام ده كل ومنير عمال يغني وكانت اغنية الدنيا ريشة في هوا ............... وصلوا بيت رامي وطبعا هو ونهال اختفوا في او اوضه ورامي طبعا قال لتامر البيت بيتك ومن الاساس تامر ماشي في الشقة وعارف كل تفاصيله كانها بيته بس في الحظة دي كان سامية كانت عاوزة تكلم خالد ايه السبب مش عارفة بس هي حاسة انها بتخونه بس هي قالت لنغسها ( ازاي اضيع واحد زي ده من ايدي ده انا ابقا عبيطة طب مخالد برده مستريح ومعاه عربيه واكيد برده اهله كويسين ) فاقت من تفكريه ولا قيت اساسا تامر قاعد بين ايديها وقريب منها
سامية : تامر لا مش هاينفع ( تامر بيبوس سامية )
تامر : انا من ساعة مشوفتك وانا مستني الحظة دي
من غير تفاصيل سامية استسلمت ده اساسا لو كانت قاومت من الاصل علما بأن هي كانت عارفة بالهايحصل من الاول وده علي اساس انها مش اريحة الشقة بتاعت رامي تراجع ملزمة محاسبة مثلا بس طلع النهار ونهال قامت عشان تصحي الباقي وتفطر معاه الناس .
سامية قامت من النوم مفيش حاجة في دماغها غير خالد وكان مالي حصل بليل ده ولا حاجة لاقبت بتاع 89 رنة من خالد وهي طبعا مكنتش فاضية المهم قامت ملقبتش تامر جنبيها قالت فرصة اكلم خالد لاقيت خلد تليفونه مقفول الكلاد ده كله الساعة 7 الصبح لاقيت نهال داخلة عليها سالتها علي تامر قالتلها مش عارفة لما رامي يصحي نبقا نشوف تامر راح فين
0................... نكمل في الجزء السادس عشان الموضوع كبر اوي

متسول

دايخ ومش حاسس بالدنيا

لانا سكران ولا شارب حاجة تانية

لانا عارف كام ساعة في الدقيقة ولاكام ثانية

وان كنت في افريقيا ولا خارج اسيا

لو فيه حد شافني ياريت يغمي عنيه

وان فات القطر سيبوه يعدي عليا

حيران

انا زي الساقية بلف في نفس المكان

ومشوفتش من الدنيا غير احلام

مش عارف من عمري عدي كام

بس الحكاية انا لسة جوايا انسان

وجع قلب

لفيت ودورت ومش راضي يطلع مني الكلام

وسيبت نفسي لحكاية غرام

وانتهي بيا المكان وطلعت في الاخر غلطان

بس مصدق نفسي ان انا مش ندمان

ومهما لفت بيا الايام

هتلقوني واقف دايما في نفس المكان

من غير كلام

اعمل ايه بقا مش بأيدي اختار الشقا

منين الراحة تيجي بقا

حبي دايما من غير لقا

نفسي قلبي يشوف الصفا

من غير مكسب ولا احس بأسا

اعمل ايه زملكاوي بقا

افتكروني

لحطة وجت عليه لاقيت نفسي بودع الدنيا

سايب ورايا حاجات كانت مليه عنيه

واملي في الدنيا طلع كبير عليا

مش هترجعني دموع ولا دعاء قلب موجوع

ابقوا افتكروني لو سيرتي جت في موضوع

واترحموا عليا ومفيش داعي للدموع

بفكر في بكرة ؟

مبقتش فاكر الي راح ولا عندي امل اكون مرتاح

انا مش انسان بائس ولا من رحمة ربنا يائس

اصل الحكاية انا مش عارف من دنيا ايه عايز

صدمة

الكلام واقف في الحلق مش عاوزيطلعله صوت

ولا عاوز يسبني ولا راضي يفوت

اتاريني ميت وشبعان موت

الف شكر

شكرا متشكرين كله من خيرك

كلام اكيد سمعته من غيرك

قول كمان عاوز اسمع تفسيرك

وتتعب وتفكر ليه هو انا استحق تقديرك

شكرا متشكرين ماهو كله من خيرك

متزعلش من نفسك ولا تتعب في ضميرك

هاتعمل ايه حظك قسمتك ونصيبك

حبيبتي انا ؟

بحبك

بحبك

بحبك

وبس

بس تعمل ايه مع واحد نحس

حظي كده بختي كده معاكي وبس

ياريت كلامي ليكي يتحس

ومهما حصل انتي بتعتي وبس

حكاية سمية الجزء 4

سايمة نايمة علي سريرها عينيها في السقف بتفكر ( وديه اول مرة تفكر ) ياه لو يبقالي بيت ويكون هو معايا يشركني حياتي واشوفه كل يوم طب يابت هتلاقي زي ده فين ميعرفش عنك حاجة وبعدين هايخدك من هنا من البيت الي انتي عايشة والمنطقة ديه هو ده الشخص المناسب انا مش عاوزة اتعب في حياتي

(تليفون سامية بيرن )

ايوة يا سمسمة انا نهال بكلمك من تيلفون واحد صحبي بقولك

سامية : صاحبك مين انتي صاحبتي؟

نهال : ايوة رامي صاحبي بعدين اقولك المهم انا رايحة بكرة حفلة منير في الاوبرا ومعايا رامي ومعانا تامر صاحبه ايه رايك تيجي معانا

سامية : لا مش هاخرج مع حد نهال انا مصاحبة

نهال : بقولك ايه هاكلمك في البيت بعد خمس دقايق انا هافهمك بعدين .سلام

سامية في لحظة الصدمة مش عارفة تعمل ايه ترفض ولا لا اصل البت نهال متقعش الا علي العيال الصح كل ده وايديها رايحة علي تليفون بتلعب وتجيب رقم خالد ...............................

وعلي الجانب الاخر خالدعد علي الانترنت بيعمل شات مع واحد صاحبه وبيحكيله ومش عارف يعمل ايه في سامية لكنه قرر فجاءه يكلمة

سامية : الو خالد مش انا قولتك متكلمنيش عاوزة اكون لوحدي

خالد : ( هي هاتستهبل مهيا لو مش عاوزاني اتكلم مكنتش ردت ) سامية اصلك وحشتيني موووووت مش عارف اعمل ايه

سامية : خالد بلاش الكلام ده احنا لسة منعرفش بعض كويس بسرعة كده وحشتك ده انا حتة لسة سيباك من شوية لحقيت وحشتك بكاااااش كبيير

خالد: سامية انا حاسس اني اعرفك من زمان ( حلو البوء ده ياض تظبيط من الاخر ) بكلمك بجد ياسامية

سامية : والله ياخالد وانا كمان بس انا مش عاوزة اتسرع انا مش عاوزة اتجرح تاني خلينا شوية شوية ( اه ماهو لازم شوية حنيه للواد يطير )

خالد : عارفة انا نفسي في ايه امووووت واشوفك دلوقتي هاتجننن

سامية : مجنون

خالد : عندك انترنت

سامية : طبعا

خالد : طب تعالي نتكلم شوية علي النت ونشوف بعض

سامية : انسي انك تشوفيني ممكن نتلكم لكن كاميرا لا

خالد : ماش ماشي هاتي الايميل بتعاك ( قشطة جدا عندها كاميرا تمام اوي )

سامية : خد الايميل لكنت خليها بكرة عشان عندي سهرانين برة ومش هاعرف اخد راحتي معاك في الكلام

خالد : لا ونبي عشان خاطر مش قادر استني والله اجيلك واقعد تحت البيت

سامية : طب استني شوية لما يناموا

خالد : شغال قشطة جدا

سامية : سلام بقا دلوقتي

وقام خالد بقا يظبط الدنيا ويوضب الغرفة بتاعته ويظبط الكام وكمان قام لبس فانلة محترمة وسرح شعرة وحط جيل عشان يظبط الدنيا

تليفون سامية بيرن نهال علي التلبفون :

سامية : ايوة يابت انتي مش هاتبطلي الجنان ده

نهال : وحياة الخلفوكي الواد صاحب رامي ده موزة طحن ومعدي يا هبلة ده انا هاموت عليه لو مكنتش بس عرفت رامي قبله

سامية : ( تضحك بمرقعة ) ماله يعني

نهال : ده ابوه تاجر حديد كبير والواد راكب عربية اوعي ده احنا هانروح في شاليه بتاعه في العين السخنة نقضي يوم هناك نفسي بقا البس البكيني مش الترنجات الي ببنزل بيها في العصافرة

سامية : والله انت بت فقرية واهتودينا في داهية

نهال : ياستي خلينا نعيش مش يمكن اكعبل رامي ده واتجوزه

سامية : اهه جيتي علي الجرح ( بتنهيدا كبيرة اوي )

نهال : ايه ياموزة مالك شكلك واقعة في حوار

سامية : لا والله بس الواحدة عاوزة تتجوز بقا وتخرج من البيت ده زهقت بقا

نهال : طب تعالي وشوفي تامر ده وجربي مش هاتخرسي حاجة

سامية : هاشوف

نهال : لا مفيش حاجة اسمها هاشوف انا عاوزة رد دلوقتي

سامية : طب قابليني علي النت كمان نص ساعة اكون فكرت

نهال : شغال واشمعني بعد نص ساعة

سامية : هاظبط نفسي عشان هاقابل خالد ع النت

نهال : اهه قولي كده ومين خالد ده يا كوكو

سامية : اخرت صبري صحبي

نهال ماشي ياموزة بس اعملي حسابك هنتقابل يعني هنتقابل بكرة مطيريش الموزة مني

سامية : ماشي خلاص بقا يلااا نص ساعة وعلي النت سلاااام

قامت سامية وراحت ضربة التيشرت الكت وظبط الكلام وحطط الحجاب بطريقة نص شعري برة ونص تاني بيقع من تحت الحجاب قال يعني الكت ده شرعي وظبطت الدنيا وحطت الكاميرا علي الجنب عشان الخلفية تبقي تمام عشان بردة تظهر الغرفة في شكل ابن ذوات ومفيش مانع من شوية احمر علي خفيف بردة عشان الواد ميقولش علي متشافش وانا قاعدة في البيت وكمان ازازة عصير وحتتين فاكهة علي جنب عشان يفهم ان ده العادي وكام دبدوب من عند اختي علي السرير لزوم الترويش اه برده اكيد هاورية الغرفة .............. نسيت انها اساسا قلت مش هافتح الكاميرا

نكمل في الجزء الخامس عشان هيبقي طحن كاميرا بقا وقلق ...............

واحدة صاحبتي

فاكرة نفسها فاهمة ومنفوخة علي الفاضي

وان بصتلها تلاقيها اقل من العادي

مش عاجبها العجب وبلكمال بتناديي

ولما تغني تقولك راح شادي

وفي كلامها مفيش شيء هادي

الي مصر

لما شمس تشرق من بين ملامحمك
قلبي يحن وبسرعة ويسامحك
احب اغني وانا نايم في حضنك
مش مهم اكون انا ايه كفايه اني ابنك

محتار

انا ايه بقا كده مالي

مش عارف ايه الي جارالي

اضحك ولا ابكي علي حالي

ولا اعمل مش واخد بالي

مش عارف ايه جارالي

سهران انا وحدي وليلي طويل قلبي في يدي وصبري قليل

ودموعي علي خدي وفرحي مواويل

انا ايه بقا كده مالي
مش عارف ايه جارالي
اضحك ولا ابكي علي حالي
ولا اعمل مش واخد بالي

واحده حبيتها

طول عمره في بالي

وسهرت عشانه ليالي

وبكل حب طلعته في العلالي

لكنه راح لغيري ورماني

اصله طلع رخيص مش غالي

انا

مكتوب علي جبنيي الأمل

حاولت كتير بس ايه العمل

كل مبدأ يحصل خلل

ملعون ابو الي اسمه ايه ده الملل

عزاء واجب

معدش للدنيا طعم ومبقيتش مستني فرح

خلصت الحكاية ومبقاش ليها طرح
ياعم سيبني في حالي مش عاوز اداوي جرح

اصل الي راح غالي وازاي يتصلح الشرخ

لله يامحسنين

ياجماعة
خش علي البلوج بتاعي واعمل سيرش من عليه ودوس علي الاعلانات عشان اكسب فلوس اعمله سييف عندك
اي حاجة تبع جوجل دوسوا عليه
البنزين غلي وعلبة السجاير الي كانت 4 جنيه بقيت ب 6جنيه وميني باص بقا 1.50 والمرتب زي ماهوا اصلي قطاع
خاص

صعبان عليا يامصر منك
تدي غيري وتنسي ابنك
انا من زمان عايش في حضنك
وفي كل حتة بهتف بأسمك
صعبان عليه يامصر منك
بحلم اكون راكب حصانك
واقطع رقاب كل الي هانك
ده مهما كان انا قدري همك
بس انتي ترضي مرة عني

الاسم حياه وادينا عايشين
بنخبي الااه ونقول راضين
صوتنا سكوتنا دنيانا موتنا
واجمل ماقولنا قدر ونصيب
بنخاف من النور ونثور لو غاب
وصوت مكبوت وللجرح احباب
صوتنا سكوتنا
دنيانا موتنا
واجمل ماقولنا
قدر و نصيب

الحمد لله نجوت من الموت

عندما تصارع من اجل البقاء علي قيد الحياه ويهيئ لك انك نجحت فهذه اكذوبة عندما تهيئ نفسك للموت وتجد نفسك انك قد بقيت علي قيد الحياه فهذه اكذوبة انه الموت فمهما هيئ لك انك قد بقيت فسيبقا دائما سؤال يدوؤ برأسك ان لم تكن الان فمتي اهي القادمة او التي تليه كل هذا يدور براسي فقط بعد دقيقة علي تقديري اول اقل امس 4/4/2008في تمام الساعة 12.30 اي صباح يوم 5 ابريل كنا نسير في طريق صلاح سالم نتحدث سويا انا وزوجتي واختها وزجها طارا عن مكان العشاء وطارا اين سنقضي اجازة الصيف هذا العام وطارا اخري اتحدث عن جواز سفر الذي سانتهي من اعداده واين ساسفر ولا نعرف ماذا يخبئ القدر لنا لاسمع صوت اصطدام سيارتين واجد سيارة تاكسي طائرة تهبط علي سيارتي لاعرف ماذا افعل تشبثت بعجلة القيادة وفجاء اجد نفسي فوق الرصيف وننزلنا مهرولين للشارع تاركين

السيارة المدمرة تماما وسط مشاهدة المارة وامام عين الجميع طارت احلامي وطارت كل شيء انتهت كل حاجة ونزلت من السيارة مسرعا ونزل من معي ولم اتحمل مايحدث للسيارة وتشتت ذهني بين من معي والسيارة وسيارة الاخري وماذا سيحدث وكيف ساصلح مايجري كل هذا في ان واحد انتهت الحادثة وبدات الاحدائ تمر امام عيني كاشريط سينما بطيء وبدات افكر في جميع الاحتمالات وانتهيت الي قول الحمد لله الحمد لله وسامحت السيارة الاخري وتنازلت عن كل شيء وربنا يكون في عون الجميع

حكاية سامية الجزء 3

خالد مركز جدا في عين سامية

ايه ياحبيبتي ساكتة ليه



ساميه : عارف ياخالد انا كان نفسي من زمان اجي هنا مع الانسان الي بحبه دايما كنت بسمع عن المكان ده وان كل اتنين بيحبه بعض لازم يجيوا هنا

( بتظبط الامور )

خالد : ده معناه انك بتحبيني

سامية بتبسم بكسوف ووشه يحمر وسكتت

خالد : سمسة بجد انا عاوز اسمعهاه منك

سامية :

خالد انا عاوزة اروح

( ساميه حساة ان الموضوع هايقلب بجد )

خالد : ليه ده لسة بدري

ساميه : معلش انا عاوزة اروح

خالد : ماشي

وفي سكوت تام سامية متكلمتش خالص بتفكر مع نفسها مالي انا ايه الي جرالي انا هاحبه ولا ايه الموضوع شكله هايلقب بجد انا عمري مكنت كده اه هو احسن واحد غرفته في حياتي تلقائي وطيب مش عارفه

وع الجانب الاخر خالد برده بيفكر مع نفسه

ايه الي حصل الموضوع اتعقد كده يعني مش هاظبط ولا ايه اليلة باظت مش مهم برده لازم اصبر البت برده تستاهل خليك عاقل واتقل كده مطيراهاش من ايديك

ويفوق خالد علي صوت سامية : لو سمحت ياخالد انا عاوزة انزل هنا

خالد : حاضر ممكن لما وصلي تطمنيني عليكي

سامية : حاضر

وديه لاول مرة سامية تكون واضحة وصريحة

ساميه داخلة البيت طايرة من الفرح سلمت علي اخواتها وامها كأنها مشفتهمش من زمان

ودخلت اودتها ومسكت تليفونها

وعلي الجانب التاني خالد قاعد مع احمد صاحبه بيحيكلوه وبيندب حظه واحمد بيقوله اصبر يامعلم ولكن يقطع حديثهم نغمة رسالة علي موبايل خالد

نص الرسالة

خالد ارجوك متكلمنيش اليومين دول محتاجة اقعد لوحدي شوية وفكر و صدقني ده خير ليه وليك

نكمل بعدين بقا ...............

حكاية سامية ج2

نزلت سامية زعلانة وخالد نازل ورارها ماشيين يحاول يكلمها وهي عاشت خلاص الدور ومش بترد
بشكل تلقائي سامية وقفت ادام عربية خالد وقالتله روحني
( نسيت طبعا انها قالت مبركبيش عربيات وفلتت منها انها زعلانة يعني لو زعلانة كانت هاتركب معاه العربية )
خالد فتح العربية زي الاهبل واركبي متزعليش
( في عقله خليني وراكي لحد ماشوف اخرتها )
بحركة تلقائية تانية وكانها في عربية السيد الوالد رمت شنطتها علي الكنبة ورا وبداء الحوار
سامية : ممكن تقولي افرد الكرسي ازاي عاروزه افرد ضهري
( الهانم عاوزة تمدد فاكرة نفسها كده طالعة علي الساحل الشمالي )
خالد : تحت رجلك يا سامية افردهولك
سامية : طيب
خالد: نزل تحت رجليها وكأنه نازل تحت العربية وقعد يفرد في الكرسي لحد منام علي رجل سامية
ساميه : خلاص كفايه كفايه بقا
( بستهبل)
وانتهي خالد من المهمة الشاقة المطلوبة منه
خالد: متزعليش مني دي كانت حركة تلقائية مكنتش اقصد امسك ايدك والله
(كداب)
سامية : يعني ايه مكنتش تقصد هو انت فاكرني ايه دي غلطتي اني خرجب معاك
(خلاص بقا اكبر دماغي )
خالد : بحبك
سامية : انا عارفة يا دودي ( متخلص بقا انت اتسحلتها )
خالد : والله بحبك
سامية : واخرت الحب ده ايه
( اما نشوف )
خالد : الجواز
( صايع )
سامية : انت فاكر الجواز ببلاش مش لما تكون جاهز
( اما اشوف امكانياته ايه )
خالد : نبداء سوا
سامية : ( هو انت منهم ) طيب ياخالد استنا لما نعرف بعض شوية
خالد : ( قشطة ) تحبي نروح ولا نروح فين
سامية : (بتلقائية شديدة وكانه عاوزة تروح بيتها ) اطلع بينا علي طريق المطار
( يانهار اسود كده كشفني عادي ولا تفرق كده كده الي هاعوزه هو الي هايحصل بس ربنا يستر ومقبلش حد اعرفه )
خالد : حاضر يا روووووووووووووووح قلبي
( مش مصدق نفسه )
قرب خالد من كوبري طريق المطار وركن العربية
سامية : لا بلاش هنا ممكن حد يشوفنا
( ايه الزفت الي بقوله ده )
خالد : طيب
( ليلتنا قشطة هانظبط )
وركن خالد ولف نفسه وقعد وبص لساميه في عينيها
نكمل في الجزء ال3 مع سامية

حكاية سامية الجزء الاول

سامية بنت عم عبده ايوة عم عبدة هو مدرس عربي بس احنا في المنطقة بنقوله ياعم عبده عشان كان بيقف زمان في دكان البقالة بتاع ابوه كبرت سامية وادوارت واحلوت العرسان عليها طوابير واقفين منتظرين رضا ست الحسن والجمال لكن سمسة كان ليه وجه نظر في الي تتجوزه لازم تحبه الاول نجري شوية بلاحداث ومش مهم فين وازاي اتعرفت ساميه علي خالد الواد الروش الجامد الي كان ماشي مع صاحبيتها وياما صحبتها حكتلها عنه والي ساب صبحبتها بعد مزهق منها تليفونات بليل وتحويل رصيد ومكالمات واخيرا وافقت تخرج معاه اتقابلوا عند سور حديقة الميرلاند جه خالد بالعربية ساميه رفضت قالتله انا مركبش عربيه مع حد غريب ( الهانم بترسم بس وبتتقل عليه مش اكتر )
ركن خالد العربية ونزل يتمش معاها وقاعدوا في كوفي شوب وقاعدوا يتكموا
خالد : ساميه عاوز اقولك حاجة ( خالد بيقرب ايده من كوبايه العصير الي مسكاها سمسة )
سامية : قول ياخالد مالك ( ومركزة عينيه في عنيه وعامله هابلة قال يعني هي مش عارفة هو عاوز يقول ايه )
خالد : ساميه انا مش عارف اقولك ازاي بس انا مش هاستريح لازم اقولك ( وبيقرب ايده من ايديها بعد ماضربت كوبايه العصير علي مرتين )
ساميه : انا حاسة بيك ياخالد قول انا عارفةة قول بقا ( طبعا لاحظت ان ايديه قربت منها سبتت ايديها ومحركتهاش من جنب ايديه المهم هو لسه ملمسهاش )
خالد : سامية انا بحبك ( البيه مستني الهانم تترمي في حضنه وتقوله وانا بموت فيك ) ها ساميه مش بتردي عليه ليه
ساميه : يعني ياخالد انا جيه معاك وقاعدة وسايبه مذكرتي وكدبت علي اهلي ودي اول مرة في حياتي اخرج فيه مع شاب كل ده مش عارف ليه ( المهم انه ميخدش منها رد )
خالد : بس انا نفسي اسمعها منك
سامية : هالقولهالك في وقتها ( انسي يا قفل )
خالد : ( مبحلق لسامية وراح مادد ايده ومسك ايديها
سامية : ايه ده خالد احنا قصاد الناس لا انا مش كده ( قال يعني هي مش عارف ان كان مادد ايده عشان يمسك ايديها )
سامية بقا قفشت علي خالد وعملت زعلانة وقالت انا مش كده
نكمل في الجزء التاني

القرد اصله انسان

كل ناس بتطور لدرحة ان القرد من وجه نظر البعض اتطور لحد مبقا انسان ده يدينا ان اي حاجة بتتطور لازم تكون ماشية للامام مش لخلف
نرجع لايام زمان ونعمل تحليل بسيط جدا
1- عصر الفاطميين كان زي سباب مصر هو الجلباب وكان امحترم فيهم كان لبسه هوو زي الازهر والبنات كان الخمار واليشمك وكحاجات كتير
2- العصر الحديث عصر فاروق وفؤاد كده كان الشباب يلبس الطربوش والبدلة واوعي بهاوات والغلبان الجلابية والستسات لبس سوارية او زي اسلامي المهم لحد هنا وتقدر تحدد هوية اي بني ادم من لبسه
3- نيجي لفترة الستينات القميص المفتوح والبنطلون الضيق للرجالة والبنات من الاخر مكنش فيه لبي اساسا
4- سبعينيات موز موز موز كان الشارلستون رجل الفيل والسوالف الجامده والشعر الكنيشش والبنات برده مكنتش بتلبس
5- ثمانينات حتي الان كل سنة وليه شكل كل يوم وليه طريقة بس وصلنا لحد البوكسر مطلع من البنطلوب وتي شيرت القصير الي يعيني بطن الواد تبان زي البنات بظبط والشعر المفرود وكيكي وميكي وحركات المهم انا لما اعرف افرق بين البنات والولاد هاقول ده كان لبس مين عشان كده انا بقول ان القرد اصله انسان

اول القصيدة

اصتبحنا وصبح الملك لله روحنا وركبنا مترو الانفاق واوعي من المترو والي فيه اول طلعه كانت علي الباب طبعا دخلنا بقوة الدفع مدخلناش المهم خبط في واحد كده غصب عني بصلي بكل قرف الي يعني انا بقا قايم من النوم بضرب الجزم ولابس وجاي اركب المترو عشان اتبارك بيه ناس دماغه رايح في داهية المحطة الي بعديها علي طول واحد ركبت وقربت من الكراسي وعلامات المسكنة والغلب ةكلها علي وشها تقطع القلب المهم في فضي كرسي الي انا واقف ادامه انا وراجل تاني الحلوة راحت برمة نفسها بينا ودخلت وقعدت كأن انا وراجل التاني كيسين لونهم اسود واحد حطيتهم ادامه بصتلها وانا عاوز افرمها
وانا لسة بفكر ازاي انتقم لاقيت واحد زي البغل دخل وراح رامي جسمه وضهره علي العامود الي مثلا لايقل عن 10 ايدين ماسكين فيه بكل بردو والبيه بقا ايه عرقان ومش طايقنا كمان محطتين كده وكنا وصلنا لمحطة كوبري القبة ركبت واحدة يعني ناقصها مقطرو وتعلق نمر نقل وقعدت تبرم تبرم بس تقعد فين ياعم الناس اكوام كوام وفجاء راجل عجوز وقصير والدنيا واخدة منه لما قايلة يابس راحت وقالت ايه قلة الادب ديه كنا زمان بنسمع الكلمة ديه بس دلوقتي بنسمع يارجل ياوسخ يا معفن هاطلع ميتين امك وبعد كده كل كلمة كان اخرها امك وناس تسكت فيها ومفيش المهم واحد رايح قاملها وقعدها بردت خالص وتقريبا الشو ده كان عشان تقعد مع ان واحدة زي ديه لو ركبت عربية الستات ممكن يدفعوها غرامة داخلين علي رمسيس ورمسيس ديه ياعم الحاج مهزلة المهازل الناس وافقين فوق بعض مش ورا بعض وناس برة زي النمل واول مالباب يفتح يبداء يحصل تصادم وتلاقي في النص عي ايحا كده لابس وملمع شعره واقف في النص ومش عاجبه ان الناس طالعه ونازلة وهو واقفلهم زي العمل الرضي خنيييييييييق حاجة تقرف ةومش عاجبة المهم مع اخر واحد داخل تبداء الخناقة بينهم وعيش ياعم لحد تحرير بعض التحرير تروق الدنيا شوية اه نسيت اقول حاجة علي البيه السواق الي ملوش في الدنيا اساسا دهغير مترو وحالات ضيق التنفس هي ديه احلي اصتباحا